प्रेम करायचं राहून गेलं

शाळेत असताना प्रेम काय असतं माहीतच नव्हत
       .......   म्हणून माझं प्रेम करायचं  राहूनच गेलं .
सहावीपासून  मुलींच्या हॉस्टेलला असल्यामुळे 
कधी मुलांशी संपर्क आलाच नाही .
         .......म्हणून माझं  प्रेम  करायचं राहूनच गेलं.
दहावीत असताना वाटायचं चांगल्या गुणांनी पास व्हायचंय
म्हणून फक्त अभ्यास आणि अभ्यासचं करायचे
        .......  म्हणून माझं प्रेम करायचं राहूनच गेलं
आता कुठं प्रेम काय असतं कळायला लागलं होतं पण काय करणार बारावी हा आयुष्याचा टर्निंग पॉईंट असतो म्हणून अकरावीच्या दिवाळीतच क्लास लावले नि बारावीचा अभ्यास सुरू केला
         .......  म्हणून माझं प्रेम  करायचं राहूनच गेलं.
नंतर शहरात गेले वाटलं होतं प्रेम करावे म्हणून पण प्रेमात पडलेल्या लोकांचे भांडणे पाहून नको वाटायला लागले प्रेम
        .......   म्हणून माझं  प्रेम  करायचं राहूनच गेलं
आपण कुणावर तरी प्रेम केलं तर  या समाजातील लोक आपल्या आईवडिलांना सुखानं जगू  देतील का
त्यांच्या इज्जतीचा विचार केला
         .......  म्हणून माझं प्रेम करायचं राहूनच गेलं

Comments

Post a Comment

Popular posts from this blog

जीवनात वाचनाचे महत्त्व

               वाचनाचे महत्व आपण आपल्या शालेय जीवनापासून ऐकत आलोय. प्रत्येकजण आपल्याला वाचन किती महत्वाच आहे हे सांगत असतो. परंतु आपण खरचं वाचन करतो का? वाचायला आवडते का? वाचून काही फायदा होतो का? लोक वाचनाला एवढे महत्व का देतात? वाचनाने माणूस सुसंस्कृत होतो. डॉक्टर बाबासाहेब आंबेडकर असे म्हणतात की, “वाचाल तर वाचाल”. हे खरेच आहे.              वाचनाने शब्द संपत्ती वाढते  वाचनामुळे आपल्याला नवनवीन माहीती मिळतेच तसेच ज्ञानात भर पडते.त्याचा उपयोग तो निबंध, वकृत्व, लेखन यामध्ये करू शकतो.लेखकांच्या कथा, कादंबरी, ललितलेख, कविता या विषयी माहिती मिळते. आपले सामान्य ज्ञान वाढते. त्याचा उपयोग त्याला भावी जीवनात होऊ शकतो. आपल्याला जर वाचनाची आवड असेल तर मित्रमंडळी किंवा लोकांमध्ये वावरताना आपण एखाद्या विषयावरील चर्चेत आपले मुद्दे योग्य प्रकारे मांडू शकतो. त्यामुळे त्यांच्यात मिसळण्यात मदत होते. वाचनामुळे आपण आपली मते ठळकपणे मांडू शकतो.           वाचन हे ज्ञान मिळवण्याचे साधन आहे.वाचनाने जीवन समृद्ध होते.जेव्हा आपण वाचत असतो तेव्हा त्या लेखकाच्या विचारांशी आपण तादात्म्य पावतो.त्यांच्या विचारां
Read more

वृक्षतोड एक समस्या

          फार पूर्वीच कळली आहे. म्हणूनच एका संस्कृत श्लोकात सांगितले आहे की, जे त्यागाच्या भावनेने स्वत: उन्हात उभे राहतात, पण इतरांना सावली देतात; ज्यांची फळे-फुलेही दुसर्‍यांसाठीच असतात, असे त्यागमय जीवन जगणारे वृक्ष एखाद्या सत्पुरुषासारखेच भासतात. या वृक्षरूपी सत्पुरुषाचे सानिध्य अबाल्वृद्धाना, सामान्य जनांना व त्याचबरोबर सत्पुरुषांना लाभावे असे वाटते. म्हणूनच ऋषीमुनी रानावनात वस्ती करून निसर्गाच्या सान्निध्यात अध्ययन आणि तपश्चर्या करत असत. संत तुकाराम म्हणतात, ‘वृक्षवल्ली आम्हा सोयरे |’ इंदिरा संत म्हणतात, ‘जरी वेधिले चार भिंतींनी, या वृक्षांची मजला सांगत .’ सामान्य माणूसही नेहमीच्या दगदगीपासून दूर जाण्यासाठी, हवापालटासाठी थंड हवेच्या ठिकाणी निसर्गाच्या सान्निध्यातच जातो. अशा या उपकारकर्त्या वृक्षांचा आज ऱ्हास होत आहे. मानवाने बेसुमार जंगलतोड करून वैराण वाळवंटे निर्माण केली आहेत. ‘After man the desert’, ‘मानवाचे पाऊल नि वाळवंटाची चाहुल’ अशी म्हण आहे. जळणासाठी आणि घरे बांधण्यासाठी बेसुमार वृक्षतोड केली गेली. त्यामुळे उष्णता वाढली. पावसाचे प्रमाण कमी झाले जमिनीची धूप होऊन ती नापी
Read more

आयुष्य जगण्याची  पद्धत

आयुष्य जगण्याची एक पद्धत हवी जिथे आपली कदर नाही तिथं कधी जायचं नाही जे आपल्याला पचत नाही ते कधीही खायचं नाही जे खरं सांगूनही रागवतात त्यांना मनवत बसायचं नाही एकदा नजरेतून उतरले त्यांचा त्रास करून घ्यायचा नाही वेळ पाहून बदलतो त्याला मित्र करायचं नाही आणि कितीही संकटे आली तरी कोणालाही घाबरायचे नाही
Read more